28 красавіка 2018 года ў канферэнц-зале аддзела адукацыі, спорту і турызму Смалявіцкага райвыканкама, куды былі запрошаны пераможцы школьных этапаў (па адным удзельніку ў кожнай узроставай катэгорыі), адбыўся раённы этап рэспубліканскага творчага конкурсу юных чытальнікаў “Жывая класіка: прысвячэнне маёй Радзіме”. Конкурс праводзіўся з мэтай павышэння цікавасці дзяцей і падлеткаў да чытання, пашырэння чытацкага кругагляду, пошуку і падтрымцы таленавітай моладзі.
Дэвіз конкурсу – “Чытаем шмат, чытаем разам, ствараем сябе і краіну!”.
Дзяржаўную ўстанову адукацыі “СЯРЭДНЯЯ ШКОЛА №2 г. СМАЛЯВІЧЫ” у трох узроставых катэгорыях прадставілі лепшыя чытальнікі школьнага (першага) этапу рэспубліканскага конкурсу:
ДЗІРКО НАСТАССЯ, навучэнка 3 “А” класа (настаўнік пачатковых класаў – Марына Іванаўна Буракова), БАРАНОЎСКАЯ КАЦЯРЫНА, навучэнка 6 “В” класа (настаўнік беларускай мовы і літаратуры – Галіна Мікалаеўна Графутка), МУРАШКА АЛЯКСЕЙ, навучэнец 9 “В” класа (настаўнік беларускай мовы і літаратуры – Ірына Іванаўна Пяткіна).
Журы конкурсу, у склад якога на раённым этапу ўвайшлі настаўнікі, бібліятэкары, пісьменнікі, прадстаўнікі грамадскіх арганізацый і аб’яднанняў, ацэньвалі выступленні ўдзельнікаў па глыбіні пранікнення ў вобраз і сэнс твора, выбару тэксту твора, артыстызму выканання. Шляхам адкрытага галасавання ў 2- ой ўзроставай катэгорыі (5-6 класы) ДЫПЛОМАМ II ступені аддзела адукацыі, спорту і турызму Смалявіцкага райвыканкама ўзнагарождана БАРАНОЎСКАЯ КАЦЯРЫНА, навучэнка ДУА “Сярэдняя школа №2 г. Смалявічы”. Вельмі годна прадставілі ўстанову адукацыі ДЗІРКО НАСТАССЯ і МУРАШКА АЛЯКСЕЙ!
У Бараноўскай Кацярыны і Галіны Мікалаеўны Графутка, як пераможцаў раённага этапу конкурсу, маецца магчымасць удзельнічаць у абласным (трэцім) этапу рэспубліканскага конкурсу.
ВІНШУЕМ ВАС, КАЦЯРЫНА І ГАЛІНА МІКАЛАЕЎНА, З ЗАСЛУЖАНАЙ ПЕРАМОГАЙ!
ЖАДАЕМ НОВЫХ ЗДЗЯЙСНЕННЯЎ І ПЕРАМОГ! ХАЙ ШЧАСЦІЦЬ І ДАЛЕЙ!!!